90eko hamarkadaren bukaeran, GPABek Europa nahiz Espainian barrena zebilen psikoterapia-taldeen elkartearen korrontearekin bat egitea erabaki zuen, hala psikoterapiarentzat nola psikoterapeutentzat legezko estatutu bat sortzeko asmoz. Hori horrela, 1998an FEAP delakoan sartu zen (Federación Española de Asociaciones de Psicoterapia), Psikoterapia Psikoanalitikoaren atalean, hain zuzen ere. Gaur egun Estatu Espainiarreko 50 Elkartetik gora daude FEAPen baitan, hau da, 4.000 psikoterapeuta inguru. Handik gutxira, AEPP (Asociación Española de Psicoterapia Psicoanalítica) eta EFPP (European Federation for Psychoanalityc Psichotherapy in the Public Sector) elkarteek aintzatesten duten EAEko elkarte bakarra bilakatu zen GPAB. EFPPk 13.000 psikoterapeuta psikoanalitikotik gora biltzen ditu gaur egun, Europar Batasuneko 22 herrialdetan banatuta.